Eit demokrati og dialogprosjekt. Bli med å forme framtida!
Mostratinget er tidlegare kjent som eit tingmøte heldt ved Moster kyrkje i Bømlo, i år 1024. Her innførte kong Olav Haraldsson og biskop Grimkjell kristendomen som religion i Noreg, og utarbeida dei fyrste lovane kjent for Noreg som rike. 1000 år seinare ønskjer vi no å skape ei lik tilknyting til Moster, men utvikle tinget til ei forsamling av unge mellom 15 og 25 år - på tvers av landet.
I fyrste omgang ønskjer vi å engasjere unge i Sunnhordland og Vestland Fylke. Målet med prosjektet er å auke kunnskapen om kommune- og fylkestingsvalet og auke valdeltakinga blant unge under 25 år. Vi vonar også å skape gode verdisamtalar om Noreg og samtida, og til slutt utvikle ei forsamling kor unge sjølv får vere med å setje dagsordenen.